另外高雄人真係好好客和幫人幫到底，一個人去旅行也沒有問題!
高雄獨自遊, 一個女仔旅行的好處係... 好多野人地都會幫你, 例如:
有個新相識的網友帶我玩了一晚;
又例如我踩單車問路, 人地係揸埋架機車幫你帶路;
有位大叔帶了我在旗津環島一週又去買埋手信, 最後仲話車埋我返旅店不過我仲有地方去拒絕咗;
又會有當地人多口同你傾幾句, 有兩個仲同我交換卡片;
又有位當地人免費借咗部單車比我踩;
單車老闆送咗張食大碗冰的coupon比我;
感覺好得意, 如果唔係一個人旅遊, 唔會有咁嘅經歷!
唔好處係...映相成日要見到有人才可以映到自己囉...
辛苦爬了幾個星期的文，挨眼瞓和計劃，終於來到了享受成果的日子!
多得網友cinnamon1015、 nelsion及3位高雄網友的指點，雖然有點趕，但都超額完成了8-9成行程，因為我的確太貪心，去了很多地方...Day 1 高雄機場→墾丁旅館→墾丁大街逛街+晚飯
Day 2 墾丁旅館→船帆石 → 香蕉灣 → 砂島 → 鵝鑾鼻 → 最南點 → 龍礱公園 → 風吹沙 → 佳樂水 (海鮮午餐)→ 港口吊橋 → 滿州花海→恆春古城→ 貓鼻頭 →關山→萬里桐→出火 → 墾丁
Day 3 墾丁旅館→後壁湖(浮潛)→ 墾丁旅館→高雄民宿→夢時代(摩天輪)→愛河之心→瑞豐夜市
Day 4 高雄火車站→左營站→蓮池潭風景區→自助新村→蓮池潭一圈→原生植物公園→左營捷運站→世運主場館→橋頭老街→糖廠→愛河(乘愛之船) →美麗島(光之穹頂) →中央公園站→城市光廊→美麗島→六合夜市→自強夜市→民宿
Day 5 高雄車站→西子灣租車->鼓山渡輪站->旗津->星光隧道->海岸公園→風車公園→地瓜酥
→駁二特區→真愛碼頭→西子灣大碗公冰→新光碼頭→中山大學→打狗領事館→西子灣→民宿
暫時上載一些照片等大家恨下先~
最南點
綠茵處處的滿州花海~so free!
再來花海,勁多花~
萬里桐日落, 雖然好多雲, 都依然好靚~
後璧湖浮潛, 好興奮~勁多彩色靚魚呀~
相機所限, 映到咁咋~
左營自助新村
蓮池潭風景區
單車漫遊蓮池潭, 這裡遇上一位好心的機車攝影叔叔, 帶我去自助新村, 失散咗都四圍找我!
除了機車大叔, 我碰上了健談和熱愛旅行的民宿主人Maggie, 熱情款待背包客的旅店朋友Gary, 會說廣東話的帥哥單車店東, 熱心帶我去打狗領事館的機南姨姨, 問路後給我送上名片的地產經紀叔叔, 在打狗館替我看管單車的場務員, 在旗津帶了我遊一圈和買手信, 仲去埋駁二和真愛碼頭, 之後仲話車埋我返民宿的台灣名牌汽車客戶主任楊先生... 不得不說台灣人都很熱情好客!
沒有留言:
張貼留言